الراجل اللي بجد

و سألت أي بنت ايه مواصفات فتي أحلامك ؟؟
..
..
..
..
...قبل ما تقولك طيب وحنين ووسيم وكل الصفات دي

هتقولك " عايزاه راجل بجد " ....

قعدت أفكر كتييييييير يعني ايه واحد "راجل بجد "؟؟!!!

ووصلت لشوية اجابات ..

• الراجل اللي بجد ... عمره ما يضحك علي بنت أو يستغلها ويوهمها انه بيحبها لمجرد أنه بييسلي وقته ..

• الراجل اللي بجد .. تقدري تعتمدي عليه وتغمضي عنيكي وتمشي وراه ومتبقيش خايفه لأنك عارفه وواثقه انه عمره ما هيتخلي عنك

• الراجل اللي بجد .. عمره ما يطلع سر بينه وبين واحد صاحبه

• الراجل اللي بجد .. عمره ما يتخلي عن مسؤليه أو يتهرب منها

• الراجل اللي بجد .. عمره ما يصاحب بنت ويروح يتكلم عليها مع أصحابه

• الراجل اللي بجد .. هو اللي أول ما الدنيا تقفل في وشك تلاقيه جنبك ضهرك وسندك

• الراجل اللي بجد .. مبيبقاش فرحان بيكي وهو ماشي جنبك وأمة لا اله الا الله بتتفرج عليكي

• الراجل اللي بجد .. هو اللي عمره ما يمد ايده علي واحده لأنه مش محتاج يعمل كده عشان يثبت رجولته

• الراجل اللي بجد ...هو اللي يقول الحق ولو علي رقبته

• الراجل اللي بجد .. عمره ما يبقي ماشي فرحان بعضلاته ويتمنظر بيها قدام البنات (لأن الرجوله جواه شئ أكبر من مجرد جيم وعضلات )

• الراجل اللي بجد .. عمره ما يفرض نفسه علي واحده رافضاه

• الراجل اللي بجد .. هو اللي هتحسي معاه انك انثي .. عمرك ما هتقدري تعلي صوتك قدامه .. في شئ جواه هيجبرك انك تلتزمي الصمت

• الراجل اللي بجد .. هو اللي يقدر يستوعبك وقت ضعفك ..

• الراجل اللي بجد .. عمره ما يستغل حب واحده ليه عشان يضغط عليها

• الراجل اللي بجد ...ممكن ميجيبلكيش كل حاجه بس وجوده جنبك هيخليكي حاسه انك ملكتي كل حاااااااااااااااجه

• الراجل اللي بجد ... عمره ما يكون محبط ولا يائس ولا شايف الدنيا سوده

• الراجل اللي بجد مش شنب ولا عضلات ولا طول وعرض !!!!

• الراجل اللي بجد مواقف وأفعال ... حاجات كده أكبر من أنها تتوصف بكلااااااااام

و اكيد البنت الانثى بجد لازم تكون كاملة المواصفات و الرقة و ياريت نكون منهم كلنا ياريت ---موضوعك جميل جدا جدا

اتكلمتى عن الراجل


نتكللم عن الست


الست اللى بجد اللى عمرها ما تحكى شىء بينها وبين حبيبها حتى لو كانت لاعز اصدقائها


الست اللى بجد تتحكم فى افعالها وتمتص غضب الرجل اذا ثار بالحكمه والعقل


الست اللى بجد اللى عمرها ما تتفرق عن الرجال وهو فى عز محنته


الست اللى بجد ان تكون اخلاصها فاق الخيال لكى تكتسب ثقه الرجل ويطمئن على حياته


الست اللى بجد ان تكون صادقه الافعال امام الرجل فتزداد مكانتها عند الرجل لابعد الحدود


الست اللى بجد تكون متغيره دائما للحصول على اغلى احساس من الرجل اتجاهها


الست اللى بجد تحب من يحبه الرجل فى الصح وليس الغلط


الست اللى بجد تقدر تتحكم فى غيرتها اتجاه الرجل لان الغيره سلاح ذو حدين